таркăн-салтакла - Чăваш сăмахĕсен кĕнеки
Электронлӑ версине тума хутшӑннӑ: Алина Иванова, Михаил Саркӑмӑл, Николай Плотников, Иван Иванов, ...
Чăваш сăмахĕсен кĕнеки
назв. игры. Якейк. Таркăн салтакла. Пыçиххиран явса, саламат (нагайку) тăваççĕ. Шăпа кама тохать, çана саламат параççĕ, ăна таркăн-салтак теççĕ. Таркăн-салтак тоттăр çыхсанах, порте шта кирлĕ онта: тăпсакане, кăмака хыçне, алăк хыçне, тӳшек хыçне тарса пытанаççĕ. Таркăн-салтак саламатне çавăрса çынсене шыраса çӳрет. Топсан мĕн вый çитнĕ таран çапать, леш тарса хăтăличчен. Вăл саламатне çавăрсах çӳрет. Çапла вăл ăвăничченех çӳрет. Вăл ăвăнсан, шăпа тохнă тăрăх тепри таркăн-салтак полать. Таркăн-салтакла яш-кĕрĕмсем те, мăн хĕрсем те вылляççĕ.